29 КРАСАВІКА — УНІКАЛЬНАЯ МАГЧЫМАСЦЬ: ПРАПЛЫЦЬ ЦЕПЛАХОДАМ ПА ПРЫПЯЦІ

pry-9ylvk

 

Скажы беларусу «Палессе» — што яму першае спадзе на думку? Балота.

«Людзі на балоце», «Дрыгва», «У палескай глушы» — нашы пісьменнікі як след прыклаліся да стварэння адпаведнага вобразу. Але ж так было не заўжды.

Пра Вялікую Ваду — возера ці мора — на месцы сённяшняй Прыпяці пісаў самы першы ў свеце гісторык Герадот.

За дваццаць пяць стагоддзяў, якія нас ад яго аддзяляюць, не раз мяняўся клімат. Цэлыя моры высыхалі, квітнеючыя землі ператвараліся ў пустыню. Але ў палескіх легендах усё яшчэ захоўваецца памяць пра караблі, рэшткі якіх прадзеды знаходзілі на балотах у сухія гады.

Але раз на год, увесну, Мора Герадота вяртаецца.

Бяскрайнія залітыя вадою прасторы, буйства прыроды ў пойме Прыпяці, першасная стыхія — такога не пабачыць у родных мясцінах ні жыхар лясістай беларускай Поўначы, ні ўзгорыстай Валожыншчыны, ні вялікага горада.

А ў дадатак — ёсць магчымасць праплыць па водах беларускай Амазонкі на караблі!

29 красавіка фонд «Краіна замкаў» запрашае выправіцца разам на экскурсію «Мора Герадота». Цуды Палесся яе ўдзельнікі пабачаць у Ляскавічах, цэнтры нацыянальнага парка «Прыпяцкі», дзе знаходзіцца адзін з найбуйнейшых у краіне музеяў прыроды. А саму каралеву Палесся, Прыпяць, можна будзе агледзець падчас двухгадзіннай экскурсіі на цеплаходзе па яе водах.

Перад вачыма ўдзельнікаў экскурсіі паўстануць фантастычныя палескія краявіды. Гэта будзе сапраўды незабыўнае падарожжа!

Удзел у экскурсіі каштуе 45 рублёў — дарослыя, 35 рублёў — дзеці (6—14 год). У цану ўваходзіць праезд на аўтобусе і экскурсійнае суправаджэнне.

Даведацца падрабязнасці і запісацца на экскурсію па Моры Герадота можна па тэлефонах:

(17) 203-69-70
(17) 226-03-02
(29) 682-58-07
(29) 772-77-58

Болей інфармацыі — на сайце www.zamak.by.
https://nn.by

27.04.2018 

Талаш, сом ці апостал Пётр? Якім быць сімвалу Петрыкаўшчыны. (Свабодныя думкі пра нашу малую Радзіму)

брэнд

Колькі не гавары, не вядзі размовы, тары-бары за жыццё-быццё, але аб’ектыўна чалавечага жыцця не хапае, каб выгаварыцца. І тое, што за доўгія гады працоўнага жыцця з-за недахопу часу не выказалася, пад, а тым болей за “экватар” – не спыніць, не стрымаць.

Саляркі ў агонь роздуму падліў абвешчаны днямі райвыканкамам разам з аддзеламі ідэалагічнай работы, культуры і па справах моладзі і адукацыі, спорту і турызму райвыканкама пры падтрымцы раённых арганізацый аб’яднанняў “Белая Русь”, “Беларускі саюз жанчын” і БРСМ конкурс на выбар брэнду нашага раёна. Сеў, завёў стартар ноўтбука, разгарнуў папкі з колішнімі напрацоўкамі, згадаў, што раней пісалі і не пісалі, і вось звёў да нейкага падабенства артыкула думкі на гэты конт.

Падкрэслю, думкі мае ўласныя, на абсалютнасць і дакладнасць матэрыялу не прэтэндую, цытаваць і культурна спрачацца дазваляю.

Дык вось, якім быць брэнду Петрыкаўшчыны? Чытаць далей Талаш, сом ці апостал Пётр? Якім быць сімвалу Петрыкаўшчыны. (Свабодныя думкі пра нашу малую Радзіму)