ЕЎРАПЕЙСКІ ДЗЕНЬ ПАРКАЎ. У ЧЫМ УНІКАЛЬНАСЦЬ «ПРЫПЯЦКАГА»?

qUKpPT3EcMIУпершыню гэтая дата была адзначана ў 1999 годзе. Менавіта 24 траўня 1909 года ў Швецыі былі заснаваныя першыя 9 нацыянальных паркаў у Еўропе.

Цяпер у Еўропе налічваецца больш як 6000 нацыянальных паркаў, але іх агульная плошча складае каля 11% плошчы кантынента. Еўрапейскія нацыянальныя паркі звычайна маюць невялікія памеры і амаль пазбаўленыя некранутай прыроды, дзікай фаўны і флоры.uh33AzcQthk

У Беларусі сёння існуе 4 нацыянальныя паркі – “Прыпяцкі”, “Белавежская пушча”, “Нарачанскі” і “Браслаўскія азёры”. І калі “Белавежская пушча” – гэта адзін з самых старых ахоўваемых лясоў Еўропы, то “Нарачанскі” і “Браслаўскія азёры” – тэрыторыі дастаткова моцна засвоеныя чалавекам, якія адчуваюць значны антрапагенны ціск.

Унікальнасць жа Нацыянальнага парка “Прыпяцкі” ў тым, што ён амаль палову ХХ стагоддзя існаваў як запаведнік. На большай яго частцы гаспадарчая дзейнасць і наведванне чалавекам былі ўвогуле забароненыя альбо моцна абмежаваныя. І толькі апошнія паўтара дзясятка гадоў лясы сталі выводзіцца з запаведнай зоны і ўцягвацца ў гаспадарчае выкарыстанне.fota_11_9

Тым не менш, унікальнасць парка ў тым, што сёння Нацыянальны парк «Прыпяцкі» мае міжнародны статус тэрыторыі, важнай для птушак «Прыпяцкія балоты», ключавой батанічнай тэрыторыі, Рамсарскіх водна-балотных угоддзяў. У адпаведнасці са схемай рэспубліканскай экалагічнай сеткі — ядро экалагічнага калідора, які злучае цэнтральную і паўднёвую Еўропу, частка біясфернага рэзервата «Прыпяцкае Палессе», частка плануемага трансмяжовага біясфернага рэзервата ЮНЭСКА.

A4j5J8n2pPA

Натуральныя і малапарушаныя экасістэмы ў нацыянальным парку складаюць 85,9% яго тэрыторыі. Маюцца эталонныя ўчасткі поймавых дуброваў і палескіх балотаў, якія ўлучаюць усе тыпы балотаў, якія маюцца ў Беларусі — нізавыя, пераходныя і верхавыя. Плошча асабліва каштоўных лясных супольнасцяў складае 24% ад агульнай плошчы ляснога фонду.1

2

Тут налічваецца 1073 віды найвышэйшых судзінавых раслінаў, 199 відаў мохападобных, 243 віды лішайнікаў і грыбоў. 43 віды бесхрабтовых і 76 відаў храбтовых уключаныя ў Чырвоную Кнігу Беларусі. У нацыянальным парку гняздуецца 158 відаў птушак (75% арнітафаўны Беларусі) і яшчэ 60 відаў сустракаюцца падчас міграцыі ў даліне Прыпяці. З 10 відаў занесеных у Чырвоную Кнігу Беларусі млекакормячых, 50% складаюць кажаны і 20% — соні.

???????????????????????????????

WV6D0qTZ-rM

Гэта ўнікальны нават у сусветным маштабе скарб прыроды, які мы мусім захаваць для сваіх нашчадкаў!

Падзяліцца навіной ў сацыяльных сетках:
  • Добавить ВКонтакте заметку об этой странице
  • Мой Мир
  • Facebook
  • Twitter
  • LiveJournal
  • Одноклассники

Leave a Reply